ទំព័រដើម

ថ្ងៃពុធ ទី២៣ ខែកក្កដា ឆ្នាំ២០១៤



អានគេហទំព័រទាំងមូល





ព័ត៌មានជាតិ   ព្រឹត្តិការណ៍សង្គម
តម្លៃ​រថយន្ត​ក្រុង​ ឡើង​ថ្លៃ ជិត​មួយ​ជា​ពីរ

ថ្ងៃទី​ 13 ខែមេសា ឆ្នាំ2011, ម៉ោង 09:45 AM

អង្គរធំ


ភ្នំពេញ: ខណៈ ដែល​ប្រជាជនខ្មែរ នាំ​គ្នា​ធ្វើ ដំណើរ​ទៅ​ស្រុក​កំណើត ដើម្បី​ជួប​ជុំ​ញាតិ​សន្តាន ក្នុង​ឱកាស​ចូល​ឆ្នាំ​ថ្មី​ប្រពៃណី​ជាតិ នា​ថ្ងៃ​ស្អែក​នេះ តម្លៃ​សំបុត្រ​រថយន្ត​ក្រុង បាន​ឡើង​ថ្លៃ​ជិត១ ជា២ បើ​ទោះ​ជា​រដ្ឋា​ភិបាល បាន​ណែនាំ​មិនឲ្យ តម្លើង​ថ្លៃ​ក៏​ដោយ។

 

នាព្រឹកនេះ តម្លៃសំបុត្រ រថយន្ត ក្រុង បានឡើងថ្លៃ នៅក្រុមហ៊ុន កាពីតូល បានឡើងថ្លៃ​ជាង ១០.០០០ពីលើតម្លៃដើម ខណៈ​ដែលនៅក្រុមហ៊ុនរីទ្ធិមុនី ក៏ឡើង​ថ្លៃដូចគ្នាដែរ។ បណ្តាក្រុមហ៊ុន​ដឹកជញ្ជូន​ដទៃ ឬសូម្បីតែរថយន្ត​ដឹកអ្នកដំណើរធុនតូច ដូចជា ទួរីស តាក់ស៊ី ក៏ឡើងថ្លៃ ជិតមួយ​ជាពីរ​ដែរ។​​​​​​​

ឧទាហរណ៍ នៅក្រុមហ៊ុន​កាពីតូល តម្លៃសំបុត្រ ពីភ្នំពេញ ទៅបាត់ដំបង ពីមុន​តម្លៃ​១៨.០០០-១.៩០០០រៀល បានឡើងថ្លៃ ៣០.០០០រៀល នាព្រឹកនេះ។ ខណៈដែលនៅ​ក្រុមហ៊ុនរិទ្ធិមុនី តម្លៃសំបុត្រ ពីភ្នំពេញ ទៅកំពង់ធំ ៤០.០០០រៀល ថ្លៃជាងមុន​ជាង​១០.០០០រៀល។

លោកវិយ៉ា មន្ត្រីរាជការម្នាក់ ដែលធ្វើដំណើរ​ពី​ភ្នំពេញ ទៅស្រុកកំណើតបាត់ដំបង បានឲ្យដឹងថា កន្លងមក លោកដឺងថា រាជរដ្ឋាភិបាល បានធ្វើសេចក្តីណែនាំដល់បណ្តា​ក្រុមហ៊ុនដឹកជញ្ជូននានា និងអង្គភាពពាក់ព័ន្ធ កុំឲ្យដំឡើងថ្លៃក៏ដោយ ប៉ុន្តែ ក្រុមហ៊ុនទាំងនោះ នៅតែឡើងថ្លៃតាមអំពើចិត្តដដែល។ តម្លៃសំបុត្រ​នាពេល​នេះ បានឡើងថ្លៃ ស្ទើរតែ១ជា២ទៅ​ហើយ ដូចនេះ លោកបានសំណូមពរ​ទៅ​រដ្ឋាភិបាល សូមមេត្តាពិនិត្យ​មើល​បញ្ហានេះផង ។

លោកសៀន អាយុ២៨ឆ្នាំ ដែលទិញសំបុត្រធ្វើ​ដំណើរ​ពីភ្នំពេញ ទៅកំពង់ធំ ក៏បានឲ្យ​ដឹងដូចគ្នា​ដែរថា ការ​ឡើងថ្លៃ​សំបុត្រ​រថយន្តក្រុង បាន​ធ្វើ​​ឲ្យអ្នកដំណើរមានការ​ពិបាក​ណាស់ ពិសេស អ្នកដែល​រក​ចំណូល​បាន​តិចតួច លោក​បាន​សំណូមពរ​ឲ្យរដ្ឋាភិបាល និងបណ្តា​​​ក្រុមហ៊ុនដឹក​ជញ្ជូននានា សូមកំណត់​តម្លៃរថយន្ត​​ឲ្យបាន​​សមរម្យ ពិសេស ពេលរដូវបុណ្យទាន។ ដូចគ្នានេះដែរ ប្រជាពលរដ្ឋ​ជា​ច្រើន បានរិះគន់​ចំៗ ថា ជារៀងរាល់ឆ្នាំ ឲ្យតែពេល​បុណ្យទាន តម្លៃរថយន្ត​ឡើង​ថ្លៃតែរហូត   ពួកគាត់បាន​សំណូម​ព​រទៅរដ្ឋាភិបាល ដែលមានសម្តេច​នាយក​មន្ត្រី ហ៊ុន សែន ជាប្រមុខ សូមមេត្តា​ចាត់វិធានការ​ក្តៅ ចំពោះការ​តម្លើង​ថ្លៃនេះផង៕


ព័ត៌មានព្រឹត្តិការណ៍សង្គមផ្សេងៗ...

  អានផ្នែកខាងលើ

រក្សាសិទ្ឋិគ្រប់យ៉ាង ដោយអង្គរធំមេឌាគ្រុប ២០១១
©2011 Angkor Thom Media Group. All Rights Reserved
ការិយាល័យនិពន្ធ (Editorial Office) : Tel : 023 996 421 / 012 629 726, Fax : 023 996 441
Developed by Than Bunthoeurn
Regular Site