អង្គរធំ មេឌាគ្រុប ជាក្រុមការងារសេវាកម្មព័ត៌មាន ឈានមុខគេ នៅព្រះរាជាណាចក្រកម្ពុជា ដែលមាន​សមាសភាព​ទស្សនាវដ្តី “អង្គរធំ”, “តារា”, អង្គរធំមេឌា (បណ្តាញផ្សព្វផ្សាយតាមប្រព័ន្ធអ៊ិនធើរណេត) និង​រោងពុម្ពអង្គរធំ។

-ទស្សនាវដ្តី “អង្គរធំ” ត្រូវបានបង្កើតឡើងនៅថ្ងៃទី ២៨ កុម្ភៈ ១៩៩៨ ចេញផ្សាយរៀងរាល់ថ្ងៃចន្ទ (ប្រចាំ​សប្តាហ៍)។

-ទស្សនាវដ្តី “តារា” ត្រូវបានបង្កើតឡើងនៅថ្ងៃទី២៥ មករា ២០០៥ និងចេញផ្សាយ២ដង ក្នុង១ខែ រៀង​រាល់​ថ្ងៃទី០១ និង១៥ នៃខែ។

-អង្គរធំ មេឌា វេបសាយ ជាបណ្តាញសារព័ត៌មានតាមប្រព័ន្ធអ៊ិនធើរណេត ដែលបង្កើតឡើង នៅថ្ងៃទី០១ មករា ២០១១ និងបង្ហោះសាកល្បង នៅថ្ងៃទី២៨ កុម្ភៈ ២០១១។

-រោងពុម្ពអង្គរធំ បង្កើតឡើងនៅឆ្នាំ២០១០ ជាសេវាកម្មផ្នែកបោះពុម្ព។

ទស្សនាវដ្តី “អង្គរធំ” និង “តារា” ប្រជុំដោយព័ត៌មានជាច្រើន ដែលកើតឡើងនៅក្នុងប្រទេស និងជុំវិញពិភពលោក ដោយ​មិនប្រកាន់និន្នាការ​នយោបាយ​ ដូចជាព័ត៌មាន សង្គម,​ ព្រឹត្តិការណ៍សង្គម​ និងជីវិត,​ សិល្បៈ, វប្បធម៌, កីឡា, សុខភាព និងសម្រស់, ការអប់រំ, ទេសចរណ៍, វិទ្យាសាស្ត្រ និងបច្ចេកវិទ្យា។ ល។ ទស្សនាវដ្តីរបស់យើង បោះពុម្ពផ្សាយជាង៣០.០០០ច្បាប់ ក្នុង១លេខ ដោយគ្របដណ្តប់៦០% នៅ​ក្រុងភ្នំពេញ និង៤០% នៅតាមបណ្តាខេត្ត ខណៈដែលទស្សនាវដ្តី ជាង៥.០០០ច្បាប់ទៀត ត្រូវបានចែកចាយ ទៅលក់នៅក្រៅប្រទេស ក្នុងនោះមាន សហរដ្ឋអាមេរិក, កាណាដា, បារាំង, អូស្ត្រាលី, ញូវហ្សេឡែនដ៍, កូរ៉េ, ថៃ និងវៀតណាម...។

អង្គរធំ មេឌាគ្រុប សូមថ្លែងអំណរគុណចំពោះមិត្តអ្នកអាន និងអតិថិជនម្ចាស់ផលិតផល និងសេវាកម្ម​ទាំងអស់ ដែលបានគាំទ្រអង្គភាពសារព័ត៌មានយើងខ្ញុំ។ យើងខ្ញុំសង្ឃឹមថា លោកអ្នកនឹង​បន្តការគាំទ្រ​ក្រុម​​ការងារ​របស់យើងខ្ញុំ ដើម្បីឱ្យអង្គភាពព័ត៌មានយើង ក្លាយជាបណ្តាញព័ត៌មានរបស់លោកអ្នក ដែលអាច​​ទុកចិត្តបាន​។

សូមជូនពរឱ្យលោកអ្នកជួបប្រទះនឹងសេចក្តីសុខចម្រើន និងមានជោគជ័យគ្រប់ភារកិច្ចការងារ៕

ក្រុមការងារអង្គរធំ មេឌាគ្រុប